• ×
الأحد 16 محرم 1444 | أمس
مقالات شعرية وأدبية

قصيدة قمة طويق


السلام عليكم ورحمة الله وبركاته وبعد

بمناسبة الوجه الجديد لصحيفتكم الغراء أهدي إليكم هذه القصيده


بضيافة العارض وبحماك ياطويق=بعد حمى ربٍ عظيمٍ خلقها
متوسقٍ فيها عن الخلق توسيق=وان جار في الوقت ترخي شنقها
صم الجبال الشامخات الشواهيق= اللي تزبّن رجل من يعتلقها
انام في فيّة فيافيك وافيق=واقطف زهرها واتنفس عبقها
اسرح بها الجهمه على فكة الريق=اطوي فيافيها وامتر طرقها
افتح صناديق السعد واقفل الضيق=لبيّنت بين الخرايم شققها
وان نسنس الغربي بحلو الطواريق=هذيك اصبحها وذيك اغتبقها
واجيب من جزل القوافي صناديق=مثل الذهب لناضمت في حلقها
اشوم عن قافٍ على الشعر مايليق=تركته لناسٍ تلوي شدقها
ناس ٍ تبي في شاشة العرض تسويق=هذي ملفقها وهذي سرقها
اصبح زمان الشعر بايدي مطافيق =وراع الجزيل يكنّها مانطقها
وين انت يامحسن زبون المطاليق =اللي سكن دار الحريق وعشقها
شعرك موثق مع هل العرف توثيق=من شافها بين القوافي فرقها
وبهذا الزمن تغيرن المواثيق=وضاقت علينا الدايره في طبقها
غربان هذا الوقت سارو غرانيق=تشال بوياها ويمسح عرقها
واللي لهم في حومة الجو تحليق=لبست براقعها وربطت سبقها


شعر /فهد بن مناور بن حامد الحربي
بواسطة : مقالات شعرية وأدبية
 3  0  12587
التعليقات ( 3 )
الترتيب بـ
الأحدث
الأقدم
الملائم
  • #1
    بدر حصيب 16-10-1433 05:53
    صح لسانك بومناور
  • #2
    عبدالله بن عبدالعزيز آل حسين 15-10-1433 07:49
    الأبيات جميلة وخاصة عجز القصيدة ، صح لسانك أخوي فهد ، وشكراً صحيفة الحريق.
  • #3
    عبد الملك 14-10-1433 11:10
    صح لسانك يابو مناور .. رائعة كروعة كاتبها
أكثر
جميع الأوقات بتوقيت جرينتش +3 ساعات. الوقت الآن هو 09:58 الأحد 16 محرم 1444.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها