• ×
الأحد 16 محرم 1444 | أمس
الشاعر / سعد الحوتان

مرثية في الأخ / تركي آل حوتان يرحمه الله




عشرين سبعة فجعنا الموت وفرقنا =واخذ علينا عزيزٍ ماصخينا به
لكنه امر الإله الي بــــه آمنا =ومكتوبٍ من الخالق الواحد ونرضى به
ياكم فقدنـــا حبيب وكم تـألمنا=ويا كم قريبٍ خذاه الموت واقفى به
لاشك موــــــتك ياتركي والله احزنا=حزنٍ لو انه وقع في الصخر ذابه
حزنٍ اشوفه عقب موتك يلازمنــــا=وشكله علينا بيبطي ضارب اطنابه
يــاكم ليل عليـــك الدمع غرقنا=وماجابت العين يا بن حسين جينا به
حتى المغيدر كأنه عنك يسألنـــا=كنه ابد مافقد غيرك من أصحابه
على فراقك ياخوي الله يصبرنــــــا=وأصعب من الموت فرقى الشخص لأحبابه
يا من بكيته قبل عامٍ وهو معنــا=وهو صويب وهو جرحه ضاعت أطبابه
اليوم ببكيه لو هو مبعدٍ عنــــا =ولاني بناسيه لو هو عظام في ترابه
ياخوٍ أبد ماخبرته يوم زعلنــــا =ولا قطع يومٍ في وصله ولا أقرابه
ولا دخل قلبـــه هجوسٍ ولا ظنــــاً = ولا يوم دور على مسلم ولا اغتابه
بر الأبــــو وأمه وفعله ينومسنا= وفيه الوفا دايما لأهله مع أنسابه
يـالله ياواحدٍ ندعيــه ويسمعنـــا =الواحد الي أبد ماخاب طلابه
ربٍ غـفور عليــه إنــا توكلنــا =والعفو والحلم مكتوبٍ على بابه
يالله تجبـــر عزانــا في مصيبتنا =وأغفر لتركي يارب وخفف حسابه
وخلده في جنة الفردوس يتهنــــا=واجعله من اللي يمينه تحمل كتابه
وصلوا على الي لدرب الخير يرشدنا=رسولنا الي وصل في الجار وأوصى به
بواسطة : الشاعر / سعد الحوتان
 12  0  14737
التعليقات ( 12 )
الترتيب بـ
الأحدث
الأقدم
الملائم
  • #1
    محمد المدبل 05-02-1434 08:18
    رحم الله الاستاذ تركي رحمة واسعة وصح لسانك أخي العزيز أبو سلطان
  • #2
    حمد 17-01-1434 03:42
    صح لسانك ياشاعر تميم ورحمة الله فقيدنا تركي
  • #3
    حمد ابو عبدالرحمن 16-01-1434 11:21
    صح لسانك ابو سلطان ,, رحمه الله اخيك تركي واسكنه فسيح جنانه اللهم أغفر له وارحمه واعف عنه واكرم نزله إنا لله وإنا اليه راجعون
  • #4
    النور 14-01-1434 07:54
    القصيدة أكثر من رائعة من حيث الدقة في اختيار الألفاظ ووضوح المعاني.! حقيقة هذه القصائد وإلا فلا ..ماهو غريب من شاعر مبدع مثل أبو سلطان ........ صح لسانك ورحم الله تركي والمسلمين . بإنتظار الجديد لا تتأخر علينا
  • #5
    وطني الحبيب 13-01-1434 06:41
    صح لسانك ابو سلطان قصيدة وافيه من شاعر جزل رحم الله تركي والبركه في الباقين ياراعي المغيدر جعله السيل
  • #6
    ابو محمد 13-01-1434 10:36
    الله يرحم تركي كان نعم الصديق
  • #7
    مقدام 13-01-1434 08:08
    الله المستعان يابوحسين ماسبقتنا الا بيومك الله يغفرلك ويرحمك ويجعل الجنة مثواك والله يرحم موتانا وموتاكم ويجمعنابهم في الفردوس الاعلى
  • #8
    ابو رسيل 12-01-1434 09:47
    مرثية مؤثرةيابوسلطان نسأل اللةتعالى ان يغفرلة ويرحمة ويجعله في الفردوس الأعلى آمين ومهماقلنافيه من الكلام الطييب لن نوفيه حقة
  • #9
    ناصر آل سليمان 12-01-1434 08:57
    اللهم اغفر للأخ تركي وارحمه اللهم أبدله دارًاً خيراً من داره وأهلاً خيراً من أهله وأدخله الجنة وأعذه من عذاب القبر ومن عذاب النار . اللهم جازه بالحسنات إحسانا وبالسيئات عفوا وغفرانا . اللهم أدخلة الجنة اللهم أنزله منازل الشهداء والصالحين وحسن أولئك رفيقا . اللهم اجعل قبره روضة من رياض الجنة اللهم اغفر له في المهديين واخلفه في الغابرين واغفر لنا وله يا رب العالمين وأفسح له في قبره ونور فيه .
  • #10
    رفيق 12-01-1434 07:58
    اللهم اغفر لتركي وارحمه
  • #11
    محمد سعد 12-01-1434 06:18
    الله الله يسعد يالله تجبر عزانا في مصيبتنا واغفر لتركي يارب وخفف حسابه امين يارب العالمين ونعم الله يغفرله ويرحمه ووالدي ذاك الرجل البشوش الخلوق
  • #12
    رميثان 12-01-1434 02:25
    بسم اللة والصلاة والسلام علي رسول اللة.... قصيدة محكمةمن شخص احسة عند اللة واللة حسيبة الاخ سعد """ من الرجال الصادقين مع الروح قبل الناس ورحم اللة اخاك تركي ؟؟؟؟ اذا كان هو راعي المغيدر فقد كان نعم الزميل في الفصل وقبلة اخاة فيصل وانتم من الرجال الطيبين المحبوبين في محافظتانا الغالية :::ارجوتقبل عزاي المتْأخر وغفر اللة لك ولولديك والاخيك تركي وصديقي الغائب فيصل ::::::::: اخوك رميثان
أكثر
جميع الأوقات بتوقيت جرينتش +3 ساعات. الوقت الآن هو 08:41 الأحد 16 محرم 1444.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها