قصيدة للشاعر /سعود بن محماس الهزاني
 |  | |
الشاعر سعود بن محماس الهزاني ابن امير الحريق محماس انذاك رحمه الله احد شعراء محافظة الحريق وكان يسكن في العاصمة الرياض واخذ فترة من الزمن , عندما هطلت الأمطار على مدينة الرياض والمراكز القريبة منها وحل الخير وجرت الأوديةوسالت الشعبان بعد ذلك انتقل ألى العمارية للبحث عن العشب والربيع وقال هذه القصيدة رحمه الله واسكنه فسيح جناته: يالله عسى العارض صدوق المخاييل=متفرع الضلع يرهق رفيفه تبغي خشوم طويق بيض الهماميل =وعلى الشعيب العود يركد قنيفه سيله ركب فوق العدام والمعاييل=ويضيق به لادك وادي حنيفه من عند خشم جميس عشب المساييل=وتاخذ به العفجه زمان مريفه لي صار في القريان فوع وتشكيل =شفت الزهر في الروض يجهر لصيفه فيها على بعض المراتع تنافيل=نغدي به العراء ردوم منيفه اعذرو بها لين اشتهى الحلق تبليل=والحوض قرب والمشارب كسيفه ودلت تغالبنا الهيافي بتحليل=تعود الشربه اليها كليفه وثيلان ومن هل الرفاف المضاليل=هذي منازلهم خلي عفيفه فيها رجال يتعبون المعاميل=ومجالس فيها دلال نظيفه لين شب واحدهم فيدعي الرجاجيل =بنجر الا حرك تزايد زنيفه والدول لي جروه مافيه تفضيل=والجار يدعونه على كل ضيفه قضى الحلال وراح تاليه تهميل=وتفرقوا وكل سمح من وليفه احدتلزى من حساب الشواغيل=واحد نزل واحد كتب في الوظيفه يافهيد عقب الربوع المشاكيل=والنفس من تالي البداوه معيفه صار العوض في البل كبار الخناثيل=وغريسات شرد منها النصيفه كلش ابسلى عنه كود المراقيل=من كل عرماس اديب خفيفه تقرب الى هجت بعيد التماثيل=ومسيرها في القفر عندي طريفه وصار العوض فالضان امهات المحاصيل=اللي تحايل بالفصم في عطيفة في منزل لو شان مامنه تبديل=والجار تصبر به لو شفت حيفه اوصيك تنحر للقرايه بتصميل=جلوسك مع اهل العلم قلبي يريفه ثم عط ابن العم حقة بتكميل=وادمح له الزله الي جت ضعيفة حيثه يعنزلك الي ضدك الميل=راع الشداد اليوم دزه رديفه الحرث يظهر فيه رزق بتيسير=والنفس طمنها ولو هي شريفه | ||
 |  |
