• ×
الأحد 16 محرم 1444 | أمس
سعد بن شقران

قصيدة الشاعر سعد بن شقران في احتفال اهالي الحريق بأمير الرياض ونائبه


هذه قصيدة الشاعر سعد بن زيد بن شقران الشثري والتي القاها الشاعر في احتفال اهالي محافظة الحريق بسمو أمير منطقة الرياض الامير خالد بن بندر ونائبه صاحب السمو الملكي الامير تركي ابن عبدالله وضيوف المحافظة الكرام وذلك في يوم الثلاثاء الموافق 6-6-1434 هـ , وقد ابدع الشاعر في كتابة هذه القصيدة واجاد بإلقائها وتميز بإنتقاء مفرداتها الرائعة , وقد نالت هذه القصيدة استحسان الحضور ويشكر الشاعر على هذا المجهود والحماس الرائع , ويسعدنا ان نعرضها لقراء الصحيفة الاعزاء متمنين ان تحوز القصيدة على اعجابهم...
يامرحبا ترحيبتن مبدى الابيات =من فوقها أهلا وسهلا تحتها
يامرحبا بين الجبال المنيفات =يردها صوت الصدى بصوحتها
يامرحبا يامير ياطيب الذات =اليوم جيتك الحريق افرحتها
حييت ياخالد كفو المهمات =ياللي تدور للبلد مصلحتها
لك في دروب الطيب يامير خطوات =تقفي السنين المقبله ما محتها
ولك في سجل المجد يامير صفحات =نوماس كل الناس متصفحتها
لله درك مثبتن نفسك اثبات =وشخصيتك قو العزوم انجحتها
لك من هل الديره جزيل التحيات =وتسلم يمينن بالعطى صافحتها
ولنايبك تركي نسوق الجزيلات =سوق الهبايب مزنتن ناطحتها
يامرحبا يامير تركي مثنات =ترحيبتن روس الكرام قدحتها
ياللي كفوفك بالعطايا نديات =ووجاهتك بين الرجال اصلحتها
ياحر ياقايد من الجو غارات =في قمرة اللي ما تلم اجنحتها
يابن المليك اللي له الروح مهدات =اللي عمى عين العدات وكحتها
عبدالله الوافي زبون الونيات = اللي له يدين السباع بطحتها
ولي عهده ذخرنا كل الاوقات = لاعادت العدوان يم اسلحتها
ماهمنا يامير كثر الاشاعات =ناسن تبهرها وناس املحتها
انتم هل العوجا ولابه مراوات =حماية الرايه وسيفن تحتها



image

image

image

@ سعد بن زيد بن شقران الشثري @




بواسطة : سعد بن شقران
 39  0  9866
التعليقات ( 35 )
الترتيب بـ
الأحدث
الأقدم
الملائم
  • #1
    أبو نايف 12-06-1434 05:31
    صح لسانك على هالقصيد الجزل والمعاني الوافية يابوزيد ولا تبخل علينا من ها القصيد الزين ربي يوفقك دنيا وآخره ان شاء الله
  • #2
    الوافي 11-06-1434 09:52
    يا مرحبا بالطيّب اللي مرباه عالي=يا عـلـّـنا بالطـِـيـب نـقـدر نـوفـيـّـه== حييت يا نبع الوفـا والجـمـالـي=شـرواك يا لنهبـور واجـب نـحـيـّه== ذرور حرفك بالسما دوم لألي=بالله لا تـحـجـب ذروره وتـخـفـيـّـه == بعض القوافي مثل طعم الشهالي=والبعض يا شقران كالذوب صافيه == أنشهد إنك صافي الــقـاف حالـي=أنـشـهـد إنـك سيـّد الحرف راعيّه == يا علّ تصفا لك بالأول وتـالـي=ربك كريم وسائله دوم يرضيّه .........موقفك مشهود محفوظ الله يخليك لعين ترجيك
  • #3
    عبدالله الهزاني 11-06-1434 05:58
    صح لسانگ يا ابو زيد ابدعت في هذه القصيده شاعر بلا منازع
  • #4
    عبدالملك 11-06-1434 05:56
    صح لسانك يابو ساره قصيده وافيه وجزله
  • #5
    اهل المجازه 11-06-1434 03:34
    نيابةً عن أهل المجازه نشكر أمير نجد العذيه خالد بن بندر وصقر الجويه نائبه تركي بن عبدالله على تشريفهم حفلنا ويستاهلون الطيب والنوماس من شاعر الحريق الأول حفيد الشعراء سعد بن زيد بن شقران الشثري وبارك الله في مسعاهم وسدد على الحق خطاهم
  • #6
    زحل 10-06-1434 11:03
    بارك الله فيك كفيت ووفيت يا ابو زيد قصيده جزله وما هو مستغرب عليك والطيب لك ياممبع الطيب لك ينساق ======= - شهمُ الفؤادِ ذكاؤُه ما مثلُه* عندَ العزيمةِ في الأنامِ ذكاءُ ======= - لك في الشهامةِ والصرامةِ موقفٌ * لصفاته إعجازُ كلِّ مفوَّهِ =======
  • #7
    طبعي فخور 10-06-1434 01:03
    بيض الله وجهك يا ابو زيد قصيده جزلاء طيب وطيبك من خوالك شهادتي فيك مجروحه شثري وخوالك امراء الحريق
  • #8
    ياحلو الزين والقبله 10-06-1434 01:03
    كفو بابو زيد قصدية جزلة وإلقاء رائع ،، أما عن شخصيتك وذاتك فمتلحف متفرش مابين شثري وهزاني وين يلقى الردى عليك درب معه
  • #9
    صخر نايف بن هذال 09-06-1434 11:46
    الله يعطيك العافيه على القصيدة الجزله ولاهي غريبة على شاعر فذ مثلك ياسعد والله من انت رفيق له
  • #10
    حمود الدوسري 09-06-1434 10:33
    صح السانك يابوزيد قصيدة ما شاء الله شاعروولد شاعر حرام عليكم ياهل الحريق مثل الشاعر ابوزيد طلعو فيه دواوين لشعره
  • #11
    سعد الهزاني 09-06-1434 02:03
    صح لسانك ياابو زيد قصيده نالت إعجاب الجميع
  • #12
    طويق 09-06-1434 01:39
    الله عليك الله معك شاعر وعبرت عن مشاعرنا
  • #13
    القاعده 511 08-06-1434 11:27
    الشثري شاعر فحلً جزلً شدني الالقاء وحسن التعبييير اتوقع انه شاعر محااافل
  • #14
    راعي اللحمه 08-06-1434 11:24
    بيض الله وجههك يابن شقران قصيده في محلها ويستاهلون الشيوخ وبييضت اهل الحريق وماشالله تبارك الله الالقاء رائع جداً جداً
  • #15
    عبالعزيز الخثلان 08-06-1434 11:02
    كفو والله ماشاء عليك ياولد خالي الغالي ماقصرت وبيض الله وجيه شباب الحريق المترابطين الاوفيا
  • #16
    الشاعر 08-06-1434 10:33
    كما عودتنا مبدع يا أبو زيد أنت الهامة الوحيدة في الحفل الخطابي عاداتك ما تخليها
  • #17
    كلمة حق 08-06-1434 09:43
    قصيده جزله من شاعر معروف لا فض فوك يابو زيد
  • #18
    الهزاني 08-06-1434 09:22
    صح لسانك يابو زيد مشااااااء الله تبارك الله قصيده رائعه
  • #19
    أبو راشد 08-06-1434 08:59
    صح لسانك وبيض الله وجهك
  • #20
    خالد 08-06-1434 07:14
    بيض الله وجهك يابو زيد مثلتنا بها القصيده جعلك تسلم و
  • #21
    الهزاني 08-06-1434 07:10
    بيض الله وجههك يابوزيد خوالك شعرا الحريق وامراء الحريق منبع للشعر
  • #22
    سعود 08-06-1434 04:46
    كفيت ووفيت يالغالي والله اللي مافي مثلك ف الحريق بيضت وجه جماعتك وخوالك الهزازنه وكفووو ياابو زيد
  • #23
    ناصر 08-06-1434 01:43
    صح لسانك يا أبو زيد قصيدة جزلة ومثل ما قالوا الأخوان أنت شاعر الحريق في وقتنا الحاضر
  • #24
    الحاظر الغائب 08-06-1434 12:52
    ماشاء الله تبارك الله ، صح لسانك يابو زيد قصيده جزله بيض الله وجهك عليها . الجميع اشاد بها واثنى عليها وتفاعل معها من أمراء وحضور . ليس بغريب عليك يابو زيد فأنت شاعر الحريق فالوقت الحاظر بلا منازع . أدامك الله . وأتمنى أن تكون أنت ممثل الحريق في الأدب والشعر في كل المناسبات الرسمية وفي كل مكان .. أنت تكتب وتلقي وتبدع . شكراً لك
  • #25
    زعيم الحريق 08-06-1434 12:29
    صح لسانك يا ابو زيد وبيض الله وجهك علي ذا القصيدة الجزلة وانت شاعر الحريق في الوقت الحاضر وقصيدتك وافيه يكفي تفاعل امير الرياض ونائبه والحاضرين بالقصيدة
  • #26
    ابو ناصر 08-06-1434 12:25
    صح لسانك يابو زيد شاعر الحريق قصيدة وافيه وجزله الله يرحم والديك
  • #27
    فهد 08-06-1434 12:17
    ماشاء الله بارك الله فيك وزادك من فضله
  • #28
    ابو زياد 07-06-1434 11:54
    ماشاء الله تبارك الله صح لسانك وارتفع شانك وبارك في ولدانك وبارك الله فيك يابوزيد وتعيش وتتحفنا بالزين
  • #29
    خالد الخثلان 07-06-1434 10:14
    بيض الله وجهك أيها الأصيل الكريم قصيدتك مثلت أهل الحريق خير تمثيل ورحبت بأسمهم أجمل ترحيب تجاه ضيفهم العزيز. وتقبل الشكر والتقدير
  • #30
    ابو محمد 07-06-1434 07:07
    مشاااءالله تبارك الله.. قصيده جزله وبيض الله وجهك ياشاعر الحريق الاول حتى الامير كان مررره متفاعل معك وماهي غريبه من ابو زيد
صفحة 1 من 2 صفحة     
جميع الأوقات بتوقيت جرينتش +3 ساعات. الوقت الآن هو 09:53 الأحد 16 محرم 1444.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها