• ×
الإثنين 17 محرم 1444 | أمس
هياف القرقاح

قصيدة الشاعر هياف محمد القرقاح في احتفال اهالي الحريق بأمير الرياض ونائبه



image

ألقى الشاعر هياف بن محمد بن فراج القرقاح قصيدة رائعة امام الحضور في أحتفال اهالي محافظة الحريق بسمو امير الرياض الامير خالد بن بندر وسمو نائبه الامير تركي بن عبدالله , وقد قدم الشاعر هياف لوحه شعرية جميلة تحمل السمو في معانيها والجزالة في الفاظها وقد نالت هذه القصيدة أعجاب الحضور وبينت ان الشاعر يتمتع بقريحة شعرية جيدة وطريقة القاء جذابة , ونشكر الشاعر على هذه القصيدة المميزة وهذا الحماس ونسأل الله ان يوفقه ويسدد خطاه , كما نقدم لأعزائنا القراء قصيدة الشاعر هياف متمنين ان تحوز القصيدة على اعجاب الجميع ونترككم مع القصيدة :
تختلف الافكار في نظم القصيد= لكن انها في المشاعر تتفق
كيف ببدا كيف بجيب الجديد = كيف بطرق باب ما بعد انطرق
المهمه كايده والفكر صيد = ولي هجوس.ن لجزل الشررد عشق
وان دعاني لازمي مانيب احيد = أتقدم في لزومي م انفهق
في عجب منهي زهت باام الجريد = الحريق اللي ولاها ينفرق
اهلها زود.ن على الحب التليد=تنشق البيعه مع النسمه نشق
بسمهم بقول وآكرر واعيد =مرحبا ترحيب براق.ن برق
مرحبا واهلين واثنيها وازيد =بالأمير اللي على القمه شهق
مرحبا باللي لنا ذخر ورصيد = قائد.ن عن باقي القاده فرق
خالد اللي ف اللقا باسه شديد =يوم خان الجار وابجاره درق
صفحتك بيضا وتاريخك مجيد= واختيارك صاب م اخطاه الوفق
وابعضيدك سعد منهو له عضيد= تركي اللي لازهم ماينرهق
ينطح القاله راع الراس العنيد= لو حزامه خالي.ن مابه فشق
يعتق رقاب.ن خضر وايفك قيد =عقب قاضي الحكم باحكامه نطق
اشهد ان العاهل اختار السديد =ماتخيب ظنون من فيكم وثق
انتوا أخير من خلف لأخير فقيد = الفقيد اللي مع اخوانه صدق
ارحمه يارب في يوم الوعيد =وارفق بمنهو مع شعبه رفق
وابومتعب مده بعمر.ن مديد =وارزقه صحتك ي اخير من رزق
مارضى للشعب بالعيش الزهيد=نوره لشعبه بخيراته شرق
بالتطور والعلا كل.ن يشيد =بالعدل والحب والحكمه سبق
نائبه سلمان ما نده نديد =شعبه بحبه يابوبندر غرق
راعي الطالات والراي الرشيد=مضرب الامثال في زين الرفق
سيدي بزيارتك كلن سعيد =وانتشفق في زيارتكم شفق
كننا بزيارتك في يوم عيد =المشاعر بالمحبه تدفق
حن سعوديين ضدن للضديد= لا دعا داعييكم ماننسرق
بيعة الاجداد حافظها الحفيد = في اعناق رجال ماهي في ورق

image

تنويه : تعذر الحصول في البداية على صور مباشرة للشاعر من كاميرات التصوير وعليه تم انتظار تحميل مقاطع الفيديو واخذ الصورة مباشرة منها مع خالص تقديرنا للشاعر هياف ومحبيه ...








بواسطة : هياف القرقاح
 23  0  8168
التعليقات ( 22 )
الترتيب بـ
الأحدث
الأقدم
الملائم
  • #1
    زحل 10-06-1434 10:41
    بيض الله وجه الشاعر هياف محمد القرقاح لمشاركته في احتفال اهالي الحريق وتمثيلهم خير تمثيل بهذه القصيده الجميله والتعبير عن مشاعر قلوب أهل الحريق الأصـليين
  • #2
    نواف القحطاني 10-06-1434 12:56
    كفو ثم كفو ثم كفو يوجه صبيان اقحطان بيضة وجيه قحطان والحريق
  • #3
    آل خثلان 10-06-1434 08:40
    بأسمي ابدي اعجابناوشكرنا للشاعر المبدع هياف القرقاح على ما قدمه من خدمة لبلدنا الغالي الحريق ولا نعد الشاعر هياف الا من اهالي الحريق الوفيين والذي مثل الحريق مع زملائه الشعراء في ليل الحفل اجمل تمثيل . شكراً لك يا هياف
  • #4
    أبو سعد 09-06-1434 04:02
    خطوتك يا الفيصلي تحيي القاع الهشيم ! ! ! نعوذ بالله من الخذلان
  • #5
    ابن رنيه 09-06-1434 01:30
    كفو يابو محمد وقفت وقفه تبيض الوجه ياعز الخوي
  • #6
    بن خثلان 08-06-1434 11:38
    كفو يابو محمد .. حضورك جزل وأنت جزل في كل حالاتك . قصيدة وافية لله درك . ولاهي بغريبة منك وانت من بيت أمارة وشعر وطيب . احترامي وتقديري .
  • #7
    الهزاني بقلبي 08-06-1434 11:21
    بيض الله وجهك اصيل ومعدنك اصيل قصيدتك تسمت باسم الحريق ولا يستغرب منك شاعر ولد شاعر
  • #8
    ابو رعد 08-06-1434 11:15
    بيض الله وجهك شاعر وقصيدتك وافيه ولاهو بغريب عليك من بيت شعر وبسمي سعد القربي وبسم ال بقرب خاصه وشهران عامه نقول بيض الله وجهك
  • #9
    سعد الشهراني 08-06-1434 11:12
    بيض الله وجهك جزل وقصيدتك جزله ولا يستغرب عليك بوك وجدانك شعار بسمي. وبسم قبيلة ال بقرب خاصه وشهران عامه نقول بيض الله وجهك وافي يابو نوره
  • #10
    الهزاني 08-06-1434 10:17
    بيض الله وجهك يا صبي قحطان ورحم والديك نشكرك على مشاعرك وفزعتك يا الأصيل
  • #11
    ابوعلاوي 08-06-1434 08:42
    تعجز الكلمات انتعطي هذا الرجل ولوجزء عن ما قدمة من شعر والقاء وحضور وروحانية في الاداء واخلاص في النظم كما ابحر بنا الشاعر فيالقصيدة من الحريق وشملت المدح والثناء والوصف والولا ..... لايسعني الا ان اتقدم بالشكر الجزيل على ماقدمتة يا ابو نورة وفالك الناموس
  • #12
    ابو سلطان 08-06-1434 08:40
    قصيدة جزلة من شاعر جزل وبيض الله وجهك يابو محمد والاهو غريب عليك كفيت و وفيت وشرفت اهل المحل اتمنى لك التوفيق
  • #13
    حسام 08-06-1434 07:48
    بيض الله وجهك ي ابن قحطان
  • #14
    ابو عايض 08-06-1434 07:43
    يكفيني المثل اللي يقول : الطيب ما يستغرب من اهل الطيب
  • #15
    نايف الهزاني 08-06-1434 05:13
    بيض الله وجهك يا القرقاح كفيت و وفيت ولا قصرت ولا هي غريبة عليك مشاركتك مع اهل الحريق
  • #16
    عن الهزازنه 08-06-1434 04:54
    باسم الهزازنه اهل الحريق نشكر شاعر قبيلة قحطان على مشاعره الطيبه تجاه أهل الحريق والله يوفقك ياولد القرقاح
  • #17
    عبدالله الحنيني 08-06-1434 04:27
    ماشاء الله تبارك الله بيض الله وجهك يابو محمد لاغرابه وشهادتي بخوي هياف مجروحه ،،،، الجزالة والوفاء منبع وابو محمد مثلنا نحن زملاءه بالقاعدة 511 ومثل الحفل كامل ...كبير يابو محمد بيض الله وجهك
  • #18
    واحد من الحريق 08-06-1434 03:54
    بيض الله وجهك وما قصرت وما هي غريبه منك يالقرقاح وصح لسانك
  • #19
    الشثري 08-06-1434 03:51
    بيض الله وجهك ياشبل الاسود بيضت الوجه عند آل سعود وشرفت الحفل وبيض وجيه من قامو به القومة الطيب وانت شاعر ومن نسل شعار وفرسان
  • #20
    غريب الدار 08-06-1434 03:07
    بيض الله وجهك ياالقرقاح بيت شيخه وشعر ماهي غريبه عليك
  • #21
    حريقي 08-06-1434 02:19
    بيض الله وجهك وماقصرت قصيدتك وافيه وتشكر الصحيفة عالاعتذار
  • #22
    هزاني الحريق 08-06-1434 02:12
    بيض الله وجههك يالقرقاح مثلت أهل الحريق خير تمثيل وفزعتك هذي على العين والراس وانت والشثري بييضتوو الوجوه
    • 22 - 1
      رياح الشرق 10-06-1434 10:45
      في نصف الجبهة
    • 22 - 2
      بدون اسم 10-06-1434 08:16
      ههههه رحمتك - طيب وقصيدة دع لذيذ الكرى مابيضت الوجه ههههههه -اجل نسيت الشاعر الثالث .انت ناسي والا متعمد؟
    • 22 - 3
      نور الحريق 09-06-1434 05:01
      أفا عليك!! نسيت الشاعر الثالث الشاعر الفحل من مثل الحريق خير تمثيل الشاعر /سعد بن غبدالله الخثلان .قصيدته ترفع الرأس كل شعراؤنا الثلاثة ونعم. أبدعوا بارك الله فيهم
أكثر
جميع الأوقات بتوقيت جرينتش +3 ساعات. الوقت الآن هو 06:03 الإثنين 17 محرم 1444.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها