• ×
الإثنين 17 محرم 1444 | أمس
الشاعر / سعد الحوتان

قـصـيـدة "الـمــرجـلــة"




المرجلة ماهي بحبك السواليف= ولاهي بلبسة ثوب
المرجلة ماهي بحبك السواليف=ولاهي بلبسة ثوب وشماغ وعقال
ولاهي بمدح النفس في شي ماشيف=ولاهي بتمجيدن لعم ولا خال
المرجلة سندا وفيها تكاليف= تصعب على من شح بالجاه والمال
وايامنا ماهي بدايم على الكيف= وخذ مالحياة دروس في كل الاحوال
احيان يظهر في حياتك صواديف= ومواقف مايوم تخطر على بال
ويبان من له في الشدايد مواقيف= وتشوف منهو يسبق القول بافعال
رجل يعز الجار ويكرم الضيف= ودايم محله للرجاجيل مدهال
يفداه منهو يخاف بذل المصاريف= اللي يموت ولا تطري له ريال
الصاحب اللي جيد في التصاريف=وعند اللوازم مايشربك فنجال
وصلوا عدد برق لمع في اول الصيف=على رسول صار بالحق مرسال
بواسطة : الشاعر / سعد الحوتان
 17  0  17707
التعليقات ( 16 )
الترتيب بـ
الأحدث
الأقدم
الملائم
  • #1
    محب الحريق 11-07-1434 12:31
    الاخ سعد الحوتان بارك الله فيك هل هذه الصفات متواجده فيك او هل رئيتها في احد تعرفه نرجو ذكراسمه كي نذهب اليه وناخذ من مراجله دروس ونصبح رجال حسب المواصفات المذكوره ..... بارك في جميع المسلمين
  • #2
    احمد الهزاني22 08-07-1434 06:18
    قصيدة جزلة و معانيها واضحة . استمر ونتظر جديدك
  • #3
    غار الهجاد 08-07-1434 01:51
    صح السانك وعل شأنك يا ابو سلطان وشهاده لله انك كريم سبلة وافي
  • #4
    أبو محمد 06-07-1434 04:07
    رجل يعز الجار ويكرم الضيف ودايم محله للرجاجيل مدهال يفداه منهو يخاف بذل المصاريف اللي يموت ولا تطري له ريال .. صح لسانك خلهم يتعلمون المراجل
  • #5
    ابوسعود 06-07-1434 02:40
    صح لسانك ياسعد ولاهي غريبه عليك ؟ بس بوضح للي كتب انت الشاعرالوحيد في المنطقه وين راحوالشاعر الباقين وبعدين تقول شعرومكسور صح كلامك القصية المكتوبه مكسوره ولاكن نقول خطا من النقل ولاالشاعر مهماكان لايمكن ان يكسر قصيدة وسعد شاعر دون نفسه
    • 5 - 1
      الشاعر 09-07-1434 12:59
      من المؤكد1000000 ٪ ان فيها كسور وبالتحديد البيت الثامن وتأكدوا ياخطأ املائي او خطأ شعر
  • #6
    آبو فهدان 05-07-1434 08:32
    قصيدة جزلة يابو سلطان واهنيك عل البيت الثاني جازت لي. *
  • #7
    أنور تميم 04-07-1434 10:53
    قصيد أكبر من أن نعلق عليها من زمان ماحظينا بمثل هذه القصيدة صح لسانك والى المزيد من التقدم
  • #8
    محمد المدبل 04-07-1434 04:10
    صح لسانك يا أبوسلطان ماشاء الله عليك إبداع و قمة في الشعر
  • #9
    راع الدار 04-07-1434 10:20
    قصيده جزله ولها معني ومن شاعر متمكن وليس غريب عليه الشعرعمه الشاعر الرحل زيد وخاله عبدالله الهزاني من الذين يقول الشعر الجزل ولاكنه يخفيه رحمة الله
  • #10
    سعد 03-07-1434 11:29
    عتبى على الاخوان فى الصحيفه الموقره اين مشاركتى باسم سعد الخثلان ودمتم
  • #11
    عبدالله بن سعد بن تويم 03-07-1434 04:20
    سعدت كثيراً بقراءة قصيدة الشاعر سعد بن حوتان والحقيقة انها من أجمل القصائد التي قرأتها في الصحيفة والشاعر متمكن في جميع قصائده التي قرأتها لكونها صدرت عن حس شعري وبعيدة عن التكلفة و من تجارب ومعاناة تجسد بعض المواقف التي مر بها الشاعر وترجمها بهذه الابيات هذا من ناحية معنى القصيدة, أما من ناحية جمالها وانتقاء كلماتها فهي رائعة بكل المقاييس وكل مرة اقرأ قصيدة للشاعر سعد فإنه يذكرني بقصائد الرعيل الأول لشعراء الحريق وخاصة الشاعر زيد بن حوتان عم الشاعر ..
  • #12
    goodee 03-07-1434 04:23
    قصيدة في منتهى الروعة ♥...
  • #13
    أنت لا 02-07-1434 10:51
    نعم للشعرحتى ولو فيه كسور لكنه شعر يستمتع القاري فيه ماهوب صفصفة كلام وسعد هو الشاعر الوحيد في المنطقة
  • #14
    بالقاسم الشهري 02-07-1434 09:08
    الاخ سعد كل قصيده من قصائدك تثبت لكل من يقرائها بانك شاعر محنك واتمنى لك كل خير.... لاتبخل علينا بكل جديد ... تحياتي لك وصحيفة الحريق .
  • #15
    راعي الدويخلة 02-07-1434 09:02
    صح لسانك يابوسلطان ،، ،،
  • #16
    حمد 02-07-1434 07:54
    تعجز الكلمات عن وصف موهبتك الشعرية وجزلك في القصيد
أكثر
جميع الأوقات بتوقيت جرينتش +3 ساعات. الوقت الآن هو 06:17 الإثنين 17 محرم 1444.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها