قصيدة "حـرار حـوران"

ياالله بيوم للعرب يسعد الحال = نشوف بشار الاسد فيه مقتول
يومن بشاير ليلته نصر الابطال=نلقاه في نشرات الاخبار منقول
فالشام قبل ختام شعبان بهلال =ذا العام ياعلام ما حال ويحول
لحول دار الحول والشعب لازال =صابر وينخا فالعرب كل مسئول
الميق تقصف والصواريخ تنهال =على ديار الشام فالعرض والطول
وبين النصيري والنصارى والانذال =انصار نصر اللات وايران معزول
حرايره تنشد عن الستر بالشال = تحت ركام البيت والكل مذهول
ما همهن ما راح من مال وعيال =غير الستر مارح للناس مبدول
شعبن غدا للمرجله مضرب امثال =يردع ولايرجع من الجمع مخذول
عز الله السنه هل الشام يارجال =حنو بدمان العدا كل مسلول
حرار حوران المسمى بالافعال =تفعل فعول اللي على الكف منقول
واسود ما يوخذ لها لبو واشبال=تحما العرين اللي به الوصف مقيول
ثارو على حكم النصيري للاجيال =ولاعاد حكمن غير الاسلام مقبول
لله در الشعب الاعزال و عزال=من كان بابه دون الابطال مقفول
لله دره شعب رايته تنشال =فوق السواري من عدن لا سطنبول