• ×
الإثنين 17 محرم 1444 | أمس
عبدالعزيز بن ابراهيم الهزاع

مرثية في والدي الشيخ إبراهيم الهزاع -يرحمه الله


هذه مرثية كتبتها في حبيبي ومعلمي وأبي الشيخ إبراهيم بن سعد بن محمد الهزاع يرحمه الله والذي وافته المنية في يوم الثلاثاء من شهر جمادى الاخرة الموافق 20/6/1434هـ ـ, اسأل الله تعالى ان يغفر له ويرحمه ويسكنه فسيح جناته وان يغفر ويرحم جميع موتى المسلمين:
يالله ثبتني بعقلي مع الدين=والصبر دثربه صوابي اذا تاه
الحكم حكمك عز شانك وراضين=هذا القضا ويا القدر شرع نرضاه
سبحانه الباقي وهالخلق فانين=سنته في خلقه ولا ايه مع لاه
كيف اتعزي فيك يابوي ذا الحين=و دفنك ماكنه غير حلم حلمناه
يابوي كل الزين عقبك غدا شين =كلش تساوى المبتغى واللي عفناه
يا عين تكفى طلبتي لك تكفين=الموق يشكي حر ماجاه من ماه
يابوي ماحنا باليتامى الوحيدين=كل الحريق يتيم باقصاه وادناه
من هو اللي امسى بعدك وخاطره زين=ما اظن فيه انسان ممساه يهناه
يابوي محنا فيك بس متعزين=كل تعزى فيك وحزنه تغشاه
يابوي لا تهمك امور البزارين=امورهم فالنور مثل اللي تبغاه
يابوي جمعتنا عليها متوصين=وصاتك اضحت عهد حنا وفيناه
يابوي في ربعك محنا بناسين=ناصلهم ونكرمهم وما تمناه
واللي معك يابوي ماهم بصافين=كلن يحللك ويبيحك و برضاه
يبكيه تاريخ الشعر والدواوين=ويبكيه علم المرجله والمخاواه
تبكيه حجة قول مثل السكاكين=تبكيه حكمة قوم ما هيب تخفاه
تنعاه هيبه ما جت الا بعظيمين=امست يتيمة وين تلقى له اشباه
ياجعل ابوي بقبره من السعيدين=والله على احسن سواياه يجزاه
يالعبره ب حرك متاك بتخفين=ويافت كبدي ليا ذكرته تجي اه
ياجعل قبره واسع بمدة العين=وجعله بنوره مجهرات زواياه
وجعل السحايب ليا مطرت بالميادين=تبداه في همالها ودوم تنصاه
يامن على الشايب خوان وشقيقين=الله يصبرنا على حر فرقاه
والله يعظم اجرنا فيه باجرين=ندعي له بفرض لنا ما انتفلناه
كتبه / عبدالعزيز بن ابراهيم الهزاع
بواسطة : عبدالعزيز بن ابراهيم الهزاع
 5  0  5711
التعليقات ( 5 )
الترتيب بـ
الأحدث
الأقدم
الملائم
  • #1
    رياح الشرق 01-12-1434 05:15
    الله يغفرلة ويرحمة والله ونعم من ذاك الشايب
  • #2
    راعي الهونداء 27-11-1434 11:51
    رحمة الله عليه صح لسانك
  • #3
    راع الوسيطى 19-11-1434 06:36
    الله يغفر له ويرحمه ويتجاوز عنا وعنه ما شاء الله مرثيه جميله تعبر عم مايكن الابن لوالدة غفر الله له
  • #4
    تركي الهزاع 13-11-1434 01:45
    صح السانك يا ابو ابراهيم الله يغفرله ويرحمه
  • #5
    راعي الحريق 12-11-1434 08:35
    السلام عليكم قصيدة جزله ووافيه وغفر الله لوالدك واسكنه فسيح جنانه وجميع موتى المسلمين
أكثر
جميع الأوقات بتوقيت جرينتش +3 ساعات. الوقت الآن هو 07:15 الإثنين 17 محرم 1444.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها