• ×
الإثنين 17 محرم 1444 | أمس
سعد الكثيري

(إذا جاء القدر) مرثية في الشيخ عبدالله الهزاني يرحمه الله


(إذا جاء القدر)

هذه المرثيه قلتها في الخال عبدالله بن سعد الهزاني الذي توفي في عشرِ ذي الحجه عام 1435 هـ رحمه الله وهي قليلة في حقه بعنوان إذا جاء القدر.

إذا جا القدر ما فاد فيه احتيالي=الأمر للمعبود علام الآجال
في عيد الأضحى العام وافي الخصالي=أبو سعد من بيننا سائح البال
وذا العام في قبر ترابه هيالي=سقاه من غر المزن بكل هطال
يابو سعد تبكيك شم الجبالي=ويبكيك واديها وتبكيك الأهجال
وادي الحريق اللي به الجود عالي=وجباله اللي جاد محسن بها أمثال
وتبكيك بيض ضافيات الجلالي=ما زاحمن في السوق بايع ودلال
وبطحا الكويعيه وهدب الظلالي=اللي بها للناس حق ومدهال
وقصر الكويعيه فسيح المجالي =ليل ونهار للمحاويج منزال
وبرية تعبا بزين الدلالي =ووجارها اللي فوقه السمر شعال
وصياني تكسى بحيل جزالي=للضيف و الجيران ولكل زوال
يا ابو سعد ما اصعبك بين الرجالي =يا الله عسى أمثالك كثير في الأجيال
وإياك كم سرنا وعور وسهالي =ما بين غار وطلح باقفاي واقبال
يا كم ظهرنا من جنوب وشمالي=يا كم سجنا الرجل في رأس ما طال
برفقة ربوع بيننا الهم زالي=على السمر و الرمث وبريق ودلال
بنور القمر حين وحين ظلالي=في ظل زين الدوح لين الدجا زال
يا خالي اللي بفتخر فيه خالي=أنا اشهد إنك من كريمين الأفعال
ورثت طيبك من العمام وخوالي=برشيد بن مسعود لك عالي أمثال
مرحوم ما شمس عقبها ظلالي =وما مر من شهر وما نور هلال
وعسى العوض بك في وجود العيالي =بسعد وباخوانه لنا طيب آمال
مع الذي ساندك في كل حالي=أبو سعود عمهم طيب الفال
ويا الله عسى منزلك في الخلد عالي=من تحتك أنهار ومن فوقك ظلال
بين الثمار وبين عذب زلالي=بدار السلام بعيد عن دار الأهوال
وسبحان محصي أيامها والليالي =خلقه تزول ومالك الملك ما زال



-سعد بن عبدالله الكثيري

و أعتذر للتأخر نشرها لبعض الظروف
بواسطة : سعد الكثيري
 1  0  3367
التعليقات ( 1 )
الترتيب بـ
الأحدث
الأقدم
الملائم
  • #1
    أبومالك 04-04-1436 11:43
    رحمك الله يا أبا سعد ,وجزيت خيراً ياشيخ سعد, على هذا الرثاء السلس المتميز والرصين ,حقاً يعجبني الشاعر الأستاذ الوجيه سعد بن عبدالله الكثيري ,وليت الصحيفة تطلب مزيداً من أشعاره.
أكثر
جميع الأوقات بتوقيت جرينتش +3 ساعات. الوقت الآن هو 06:54 الإثنين 17 محرم 1444.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها