• ×
الإثنين 10 محرم 1444 | أمس

مستشفى محافظة الحريق العام بدون اخصائي مختبر !!!

الوضع سيستمر لاشهر قادمة

مستشفى محافظة الحريق العام بدون اخصائي مختبر !!!
صحيفة الحريق الالكترونية: 


-تركي الفضلي:
يعاني المراجعين لمستشفى محافظة الحريق العام منذ حوالي ثلاثة اسابيع من عدم وجود اخصائي مختبر مختص في المستشفى وذلك بعد سفر الطبيب المختص في المختبر ,والمستشفى حالياً يعتذر لمراجعيه عن اخذ عدد من عينات المرضى او اجراء عدد من الفحوصات بسبب عدم وجود طبيب مختص في المختبر ودائماً ما يتم توجيه المراجعين بالتوجه لمستشفيات اخرى لاخذ العينات ,وللأسف ان الوضع سيستمر كما هو عليه الاّن لاشهر قادمة وفقاً لتأكيدات احد المدراء العاملين في المستشفى وذكر بأنه تم مخاطبة وزارة الصحة لتوفير طبيب بديل , ولكن حتى الان لم يتم دعم المستشفى ببديل وعادةً ما يتم توفير الطبيب البديل في مدة لا تقل عن 6 أشهر!!!!

عدد من المواطنين في محافظة الحريق يناشدون المسئولين في وزارة الصحة بالتدخل العاجل ودعم المستشفى بالطبيب المختص ولا يخفى عليكم اهمية وجود طبيب المختبر في اي مستشفى وان المستشفى بدون مختبر متكامل يعتبر ناقص , كما يناشدون معالي وزير الصحة بأهمية توفير الكوادر الطبية لبعض التخصصات الطبية الهامة وتوفير بعض التجهيزات ليصبح المستشفى بالفعل متكامل وسبق وان تم الرفع بعدد من المطالبات لمسئولي الوزارة بمعاناة الاهالي من وضع المستشفى بشكل عام...

بواسطة :
 15  0  5559
التعليقات ( 15 )
الترتيب بـ
الأحدث
الأقدم
الملائم
  • #1
    ^..^ 07-02-1432 11:58
    انت يالماجدي دام ابوعبدالله مو عاجبك ليه ماتشمر عن ذرعانك وتطالب باللي تبي ماغير ازعجتنا وانت ماعندك سالفه ماناقص الا تقولون ليه مايعالجنا على حسابه ،عموما (لايضر السحاب .....‏)‏
  • #2
    الماجدي 07-02-1432 12:25
    تدرون وش المشكله ياساده ياكرام نحن نتمسك بالقيادات حتى تموت او التقاعد الاجباري نحن نريد اداره واعيه جدا حريصه وايضا مطالب وليس كماهو موجود الان ولكن الملاحظ ان اهالي الحريق لايستطيعون المطالبه للمستشفى باي شي لان المتضرر في النهايه هو المدير امامصلحه البلدفمصيرهاعرض الحائط
    • 2 - 1
      عبدالله 07-02-1432 03:16
      وانت بعد كلامك هذا عرض الحائط .. الماجدي ماعندك الا الكلاااام اتحداك تسوي شي للمدير ولا تضرة في ادارتة .. انت كلام بس مافية فعل . ا:
  • #3
    ياصبر أبوعبدالله عليكم 06-02-1432 06:58
    اللي فيه خير على قولته يبي تطورات يروح لوزير الصحه ويتكلم 1 مستشفى الحريق 2مستوصف المفيجر 3 مستوصف نعام كلها تبي بناء وأشياء كثير وكل مارفعو للوزاره قالو أنشاء الله وقول من غير فعل وتبون مطر بعد وأنتو ياللي تكلمتو على الرجال أنتو ((كلام من ورا شاشه )) لو أنكم رجال تكلمتو عند الرجال ولا على الاقل ((اللي بيتكلم يكتب أسمه مايكتب قناص الحريق ولا الماجدي ))
  • #4
    ^..^ 06-02-1432 04:14
    وانتوا كلما طاحت ابره قلتو مدير المستشفى والله المدير مهو مكلف انه يجيب دكاتره واجهزه من جيبه الشرهه على وزارة الصحه اللي عارفه بوجود هالمستشفى وعارفين انه ناقصه كوادر واجهزه من يوم انفتح وياللي جالسين تكتبون في ابو عبدالله اذا فيكم خير ورجال صدق واجهوه بهالكلام مو تطقطقون من ورى الكمبيوتر كنكم دجاج ..
  • #5
    عبدالله 05-02-1432 11:50
    مستشفى الحريق سيضل مثل ماكان واللي عندة اعتراض يحطة في .....؟ مافية احد كفو يستاهل يمسك الادارة غير ابو عبدالله واللي فيه وجع ولا تعبان ولا يبي يسوي عملية البواسير واللي فية سرطان ولا ايدز ولا بيولد الله يقوية يروح للحوطة ولا الرياض ولا يكثر هرج ناقص بعد تقولون يامدير المستشفى حط لكل واحد من سكان الحريق غرفة خاصة ههههه ...
  • #6
    حريقي غيور 04-02-1432 03:12
    ]صدق من قال مااستفاد الا العاملين باالمستشفى كل يشتغل براحته خاصة البقالين ولا متزعمهم سوداني وياحد عليهم نسبة ويتجكم اقسم بالله يشتغلون بكل البيوت بس حسب مزاج الزول يقول للبعض فقط للعاملين باالمستشفى ولااالعماله الرجال يشتغلون سباكين وصراميت ومنسقين حدائق وغيرهاوين الرقيب عت العماله ولا منالثقة يجلسون على كراسي المراجعبن ولا يقموون عن المراجعات
    • 6 - 1
      عبدالله 05-02-1432 11:46
      الله من النجاسة ولاحسد هههههه غير نكك بس الى حريقي حسود
  • #7
    الماجدي 03-02-1432 08:11
    اللي اعرفه انه كان موجود ولاكن كان يتعامل معه بتعالي جدا يعني سوء تعامل والاخصائي تكلم مرارا اذا لم يغيرطريقة تعامله معه هدد بانه سوف ينتقل الى الرياض وفعلا نفذ كلامه وانتقل الى الرياض الرجاء توجيه السؤال الى المدير من اللذي خسر في النهايه
    • 7 - 1
      عبدالله 05-02-1432 11:52
      اللي خسران في النهاية بقالة نجيب ..
  • #8
    ألا بذكر الله تطمئن القلوب 03-02-1432 02:04
    الحمد لله وحده وبعد :ـ نحن أهالي محافظة الحريق نناشد عبر هذه الصحيفة خادم الحرمين والشريفين ونائبيه ووزير الصحه بتطوير مستشفى المحافظة اللذي منذ إنشائة وهو بحاجه ماااااااسه إلى زيادة الكوادر الطبية ووحده الغسيل الكلوي وغيرها حيث إن المبنى لا يصلح تماماً بوضعه مستشفى فمن رأيي الشخصي أن يوضع مكان المستشفى الحالي مستوصف ويبنى للمستشفى مبنى متكااااااامل من الاداراة والسكن والمختبرات ومهبط خاص بطائرات الإخلاء والله ولي التوفيق
    • 8 - 1
      قناص الحريق 05-02-1432 11:55
      اخي الحبيب اين المتبرع بجهاز غسيل كلوي الدعوى كلام طار في الهواء والا ويش صاير الرجال شخصة مهمة ابحثوعنه ممكن نساء نظرا لمشاغلة تحياتي لكم الخبر روي لي من احد المقيمين في المحافظةهل صحيح؟؟؟؟؟؟؟؟؟؟؟؟؟
    • 8 - 2
      الصادقه دائما 03-02-1432 02:57
      تكفون الله يرحم والديكم حسوووووو لازم أحد يتحرك سوو شيء والله ان مستشفى الحريق حالته سيئه جدا جدا جدا سنييييييييييين وحنا نتكلم محد يمنا ... أنا وربي عانيت شخصيا منهم أخطاء في أخطاء علاجات تنصرف عشوائيا ... حسبي الله ونعم الوكيل حتى العينات ياخذونها ويحولونها للرياض ولما نجي نسئل عن النتيجه يقولون ضاع التحليل ... ياربيه .. فقر دم جانا لا اله الا الله ... جيبو أخصائي عيوووون أخصائي جلديه أخصائي غده والمختبر شوفو لكم فيه حل .. ياليت احد يوصل كلامنا .....
  • #9
    حريقي وافتخر 03-02-1432 11:41
    اطالب مديرالمستشفى بالتنحي عن منصبة لإعطاء الفرصة لتطوير المستشفى وليس عيب او نقص ان يترك الادارة للأفضل بل أعده شجاعا في اتخاذ القرار
    • 9 - 1
      عبدالله 07-02-1432 01:00
      يقول مدير المستشفى ياحريقي غيور ابشر وتعال مكاني هههههههه لا يكثر بس
  • #10
    قناص الحريق 03-02-1432 02:10
    اخواني اهالي الحريق يكفيكم المبني الوزارة تسكتكم بالمبني وبعض الممرضات والحمد لله عمال النظافة اكثرمن والفنين الاطباءلعاملين في المسنشقى ويخدمونكم بعد الظهر حتي الساعة الحادية عشر ليلا عمال ثلاجات وبناء ونظافة ويصرمون النخل معكم وقت الصرام وصبابين قهوة في المناسبات وكل تلك بسبب خيرات المستشفي ومديرالمستشفى سلبي مايطالب بشيئ ابشر اذافرغ ان شاء الله والحمد لله على كل حال المستفيد البنغالين عمال نطافة المستشفى في النهايةبالعمل خارج المستشفى بعد الدوام
    • 10 - 1
      عبدالله 05-02-1432 11:43
      وش دخلك انت ماخذين من فلوس ابوك شي ..؟؟ وكل هذا حسد على الادارة المستشفى بيضل مثل ماكان ولا انت ولا الف واحد من اشكالك في الحريق يقدر يسوي شي للمدير ولا يحركة من كرسية ماعندك الا الخرطي ..ههههههه
  • #11
    العالمي 02-02-1432 10:40
    الي مدير مستشفى الحريق العام المحترم هذه رسالت مناشده لك مدير المستشفى الفاضل بان تتابع المستشفي من ناحيت كل مايحتاجه من كل شي الله يجزاك بالخير ويعافيك ويرحم والديك يا ابو عبدالله
  • #12
    نعاااااااامي 02-02-1432 08:57
    السلام عليكم الصراحه مستشفى الحريق فاااشل لاكوادر طبيه ولا اجهزه ولا تطورات الصراحه المستشفى كله ماله ويدحدر
    الصراحه أنا أخاف اذا جئت للمستشفى الحريق ع ان مستشفى الحوطه كوادر فاشله بس انه افضل بكثير من حيث التطورات واكبر دليل وحدة الغسيل الكلوي وجهاز الاشعه المقطعيه الصراحه تكفي الحين الواحد اذا صار له حادث وجا بمستشفي الحريق وطلبوا أشعه مقطعيه تحويل ويالله سيارة الإسعاف المريض يموت ماوصل للحوطه هل هذا يعقل ًًً!!!! أنا اناشد اهل الخير انهم يلتفتون لذا النقطه الصراحه انها مهمه ويخلون عنهم تشجير الطرقات لانها والله مصييييييبه وتقبلوا تحياتي
  • #13
    ســــــــع ســــــــع 02-02-1432 08:55
    حسبي الله على الظالم لو يسكرون المستشفى احسن لهم
  • #14
    علي 02-02-1432 04:20
    حسبي الله على من كان السبب البعض يبحث عن مصالحه الشخصية فقط ,,,
  • #15
    هلالية .~ 02-02-1432 12:38
    مو شيء جديد ..
    • 15 - 1
      ابن الحريق 03-02-1432 02:16
      الى كل محبي الخير ارجو منهم بمطالبه بمركز غيسيل كلى في المحافظه يا عالم حسو بمرضى الكلا و المعاناه الا سبوعيه او اليوميه راحين جايين للحوطه الرجاء من اعضاء الصحيفه الاهتمام با الموضوع وجزاكم الله خيرا
أكثر
جميع الأوقات بتوقيت جرينتش +3 ساعات. الوقت الآن هو 04:12 الإثنين 10 محرم 1444.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها