• ×
الأحد 27 ذو القعدة 1443 | 23-11-1443

طالبات مدرسة تحفيظ القران الكريم في محافظة الحريق يشتكون من الزحام الشديد في الباصات

والسائقين يتذمرون من قلة الراتب

طالبات مدرسة تحفيظ القران الكريم في محافظة الحريق يشتكون من الزحام الشديد في الباصات
صحيفة الحريق الألكترونية : عبدالعزيز الهضيبي 

عبر عدد من الطالبات في مدرسة تحفيظ القران الكريم في محافظة الحريق ( ابتدائي ومتوسط وثانوي ) عن معاناتهم من الزحام الشديد في الباصات الخاصة بنقل الطالبات وهي ثلاث باصات فقط وعدد طالبات المجمع أكثر من ثلاثمائة طالبة مما أضطر العديد من الآباء لاستئجار سيارة نقل خاصة والبعض يقوم بإيصال بناته بنفسه وناشد عدد من أولياء الأمور و الطالبات عبر صحيفة الحريق المسئولين بإلزام المتعهد بنقل الطالبات بزيادة عدد الباصات وذكر احد السائقين أن أكثر الطالبات اضطروا لعدم الركوب بالباص لشدة الزحام والتأخر في إيصالهم لمنازلهم نظرا للتأخر في التوزيع .
وكلنا أمل من المسئولين بسرعة توفير العدد الكافي من الباصات للتيسير على الطالبات وولاة أمرهم فالكثير من الآباء مرتبطين بإعمالهم .

من جهة أخرى طالب السائقين الجهة المتعهدة بزيادة رواتبهم حيث أنهم وقعوا عقود برفع رواتبهم لثلاثة ألف ريال من خمسة أشهر ولم تصرف لهم حتى تاريخه .

image

image

image

بواسطة :
 24  0  9531
التعليقات ( 24 )
الترتيب بـ
الأحدث
الأقدم
الملائم
  • #1
    بنووتهه 01-04-1433 02:55
    والله بعد تتذمرون من قله الرواتب 1:ماتنزلون الطالبة لما بيتهم 2:كل يومم واحد غايب
  • #2
    ............. 29-03-1433 04:21
    ممن جد زآحممونـآ بنـآت آلتحفيظ لدرجة آننـآ بنـآت آلثـآنوية كل يومين مـآرينهم شـآقلينهم معنـآ !! خير
    • 2 - 1
      ............ 29-03-1433 07:41
      الباص باص ابووك وبعدين بيوتكم في البر. بنات التحيظ اخير منك
  • #3
    عاشقةCR7 28-03-1433 10:07
    هههههههههههه اقسم بالله عجبني الموضوع ي لبيييه مدرستي انا بيتي بععيد وكل يوم واقفه حرام ومالقى مكان اقعد فيه وراعي الباص ماينزلني عند بيتنا بس انا اوري االمديره
  • #4
    سبحان الله 28-03-1433 07:34
    وبعدين نشتكي على التاخر على الطالبات في توزيعهم. وحشر كل يووم مايجي خير ان شاء الله
  • #5
    محبة الظلام 28-03-1433 04:19
    البرج عطوهم الباص الصغير وسته باص كبير واربعة باص كبير والعثمانية شويين مع باص جديد صغير والديرة والهويدي والهزاع باص كبير
  • #6
    الحريق 28-03-1433 02:48
    وبعدين حشر وينه كل يوم غايب حسبي الله عليك ياحشر واذا ركبن مع الباص الثاني ياله ينزلنا خيييييرر
  • #7
    لبى أناآ 26-03-1433 07:36
    ي لبيييييه ي مدرستنا والله واشتهرتي هههههه اي والله صادقين زححححححمه مرره مافيش اماكن وين نقعد فيه خاصة اللي بيوتهم بعيده مايقعدووون ححححرامههههه
    • 7 - 1
      المملوحه 27-03-1433 02:26
      والله عاد الى بيوتهم بعيدة مايجون يركببون الباص بدرري يتمططون ويالله يمشون وياليت توفرون باصات ثانيه
  • #8
    مدرسه الابتدائيه الثانيه 25-03-1433 01:09
    الله يعينكم بس يابنات نعام والحريق يالبى باصاتنا موباصاتكم الي مثل خشتكم احنا جابولنا باصات كبيره ومافيه الا 25 طالبه
    • 8 - 1
      سبحان الله 25-03-1433 02:41
      ازين من خشتك انتي والله من جدك مافيه الا25طالبه عديهم زين خلاص وشوفي خشتك قبل ماتتكلمينن
  • #9
    ام دمعه 23-03-1433 02:08
    دخلت الموضوع ونزلت دميعاتي عليكم يابنيات ديرتي . بنصحكن نصيحه لوجه الله . لاتكملون دراستكن مثلي وتجلسون بالبيت لا شغل ولا مشغله . اذا عرفت الوحده منكن تقرأ وتكتب تجلس في بـيت ابوها لين يجيها ابن الحلال اللي يضفها وخلاس ....///////......... لحد يهاويشني اللي ماتبي تعرس بكيفها هههه
    • 9 - 1
       23-03-1433 09:59
      هههههههههههه ضحكتيني المشكله اذا جاك ابن حلال وقام يعايرگ ويقول انتي جاهله والا يتهزا مامعگ الا شهادة ابتدائي خخخخخخخخخخ ذيگ الساعه لقطي وجهگ
  • #10
    عوااشه 22-03-1433 11:44
    ي حليلكم ي مدرستتي ايام لاتنسى ليت ربي يكتب لي جيتن ثانيه لكم مشتاقه لكم صديقاتي >> فيس حزييين مازلتو ع ذا المعاناة ي حليلكم اصبروو بس خاصتن بنات نعام يرحموون مايديهم باص بدري وكذا معاناة مساكييين \\ربي يكووون بعوننكم
  • #11
    معاناة !! 22-03-1433 10:16
    السواق حشر ما يوصل البنات لحد بيوتهم والله انه ينزلني بعيد عن بيتنا حسبي الله عليه تكسرت رجولي والمشكلة انه يعرف مكان باب بيتنا بس ماله خلق يلف لحارتنا
    • 11 - 1
      سبحان الله 23-03-1433 03:51
      صادقههه حسبي اللهه عليه ماينزلنا عند بيوتنا حسبي الله ونعم الوكيل عليك
  • #12
    (_) 22-03-1433 08:17
    صرآحةً صآدقين آحنآ بنآت نعآم مآعندنآ بآصآت وغير كذآ نجلس في آلمدرسةة آلي 2 وزيآدة مو ذنبنآ دبروآ لنآ آلله لآ يهينكمم و آذآ تكلمنآ قآلوآ آن شآء آلله بكره آلبآص عندكم ولآ حيآة لمن تنآدي مو حآله ...!!
  • #13
    ابو سعد الخضير 22-03-1433 01:39
    ايه يالبنات
  • #14
    بنت ذا المدرسه 21-03-1433 10:44
    اه والله انكم صادقين واد لين جو يسوقون يسرعون ويدخلون بين اللنبات وسرعون لين شافومطب واذا زعقوالبنات ولا طاحو ولا انفتح باب الطوارء يزعقون عليس كن الغلط منس مهب منهم ولا عن الباصات ضيقه لا واسعه اجل لو كنا في الي قبلها وش بتقولين بس المدرسه عليهم حركات تقهر يركبون باص سته وباص البرخ وباص اربعه وباص العثمانيه ويطلع الباس زحمه من جد قال اش السواق غايب يعني دبرولهم سواق من المدارس الثانيه دورولهم اي رجال يسوقبهم والله ان خبري ان الرجاجيل يعرفون يعرفون يسوقون اتمنى ماتتكرر
  • #15
    يمقن مي ويمقن لا 21-03-1433 10:14
    هههههههههههه اجل بنحط ورزارة التربية والتعلم بنعام ههههههههههههااييي ي حياتي انتي نعام تابعه للحريق والحوطة ومسؤلين عنآ
  • #16
    زين 21-03-1433 06:19
    ههههههههههههه لالا اشوفه نفع فيهم وجابوا باصات بناااااااااات مالنا الا الصحيفه كل ماصار شي بنشكي هنا اعتقد ماينفع معهم الا كذا
  • #17
    ---- 21-03-1433 02:32
    نطالب بوضع لكل حي باص خاص فيه لو سمحوا يعني
  • #18
    سبحان الله 21-03-1433 02:10
    سواقينكم ماعليش وسخين وما يخووفوون ربهم تركبين الباص ويدك في قلبك لما تنزلين ممكن تغيرونهم
  • #19
    يمقن مي ويمقن لا 21-03-1433 12:39
    ايه عاشت وزارة التربيه بالحريق والحوطةة م تهتمون الا من كلام بنات الحريق والحوطةة واحنا بنات نعام الباص بغا يشب فينا ولا حياة لممن تناديي .. لا والمشكله انهم مبدلين الباصات معطينا الخربان والحين نركب بالصغير لا وياليته يجي البنات م يطلعون الا 2 ونصف لبيوتهمم ما اقول الا مالت عليككم كان م عندكم ضمير
    • 19 - 1
      نعآم & الحريق & الحوطه 21-03-1433 09:05
      هي يآلي فوقي ! نعآم تآبعه للحريق وآلحوطه ! بعدين بنآت نعآم مثلهم مثل بنآت آلحريق ، اجل وشهو له يشتكون خلو آهآليهم يوفرون لهم سيآرة - يعني لآيكثر وآطلعوآ منهآ آحسن لكم _ مسوين تتفلسفون ع روسنآ =/ !!
    • 19 - 2
      اووف 21-03-1433 07:47
      ايه صادق سعد بكل كلمممممه
    • 19 - 3
      saad 21-03-1433 02:49
      والله الحريق ماهو مسؤول عن نعام نعام فيها مدارس الي يبي يوفر لعياله سياره
  • #20
    - 20-03-1433 01:32
    السلام عليكك ورحمة الله وبركاته ججزاكم الله خير على فتح الموضوع صراحه معاناة مع الباصات أولآ : السرعة بشكل غير طبيعي والباص يكون زحمة والطالبات واقفات نقول للسواق يخفف السرعه وكأن مافي احد يتكلم وين المراقبه وبعدين الباصات كل حي مخصص له باص مثلاا رقم أربعه : للسواق جري ورقم سته : لسواق مجهول لاندري مين لذلك ضموهم مع باص اخر والديره :"للسواق حشر والباص الصغير مخصص للطرق الضيقه وهم : الهزاع والهويدي الحين صار 4+ 6 والديره + الباص الصغير 4 و 6 مو دايم مع بعض لكن الباص الصغير !! احنا نشتكي بنات الديره زحمة والطالبات واقفات والسرعه بشكل غير طبيعي والبنات الصغار بين الطالبات الكبار اول كان فيه 3 كبآر وواحد صغير لكن الحين مانشوف الاثنين كبار وواحد صغير احنا وش ذنبنا اذا السواقين مالين من اعمارهم ويسرعون احنا ماملينا من اعمارنا وهالزحمات : خلق الله واجد وظفو لكم اي سواق ونأمل نأمل نأمل ان صوتنا يوصل ويرجعونا للباص الكبير تبع السواق حشر باص كبير مافيه الا كم بنت من العثمانيه قبل كان الديره والعثمانيه الحين الباص فاضي بس عثمانيه والباص الثاني مليان والباص الصغير ملياان مره ياناس ارحمونا معاناة من الزحمة ومن السرعه
  • #21
    فهد الحريق 20-03-1433 09:05
    البنات الله يعينكم والله احس انكم تعيشون رعب يوميا مع سواقين الباصات والله لو انا لمشي ولا اركب معه يسرع كانه ملحوق
    • 21 - 1
      لبى انا 28-03-1433 10:09
      وانا اشهد والله رعب بجد الله يعينا
  • #22
    نيو 20-03-1433 08:43
    ههههههههههههه االحمد له يا غلو بيتك قريب.......
  • #23
    الليث الابيض 20-03-1433 07:01
    وين الزحمه ما فيه احد هههههه
  • #24
    20-03-1433 12:16
    ايه والله كانا غنم في ذا الباصات واذا قلنا لهه بنمشي اللله يكرمنا عن الغنم
    • 24 - 1
      المملوحهه 27-03-1433 02:30
      والله انا ماكلمتك اكلم بنات التحفيظ ماكلمتك انتيى يالي اسمك (مدرسة الابتدائيه الثانيه(
    • 24 - 2
      مدرسه الابتدائيه الثانيه 25-03-1433 01:11
      ههههههههههههههههههه مساكين والله تنرحمووون يالبى مدرستنا بسسسس
    • 24 - 3
      20-03-1433 01:51
      ايه والله انك صادقه واذا قلنا لهم بنمشي رفضوو واستنو الباص لما ينزل البنات.
أكثر
جميع الأوقات بتوقيت جرينتش +3 ساعات. الوقت الآن هو 07:43 الأحد 27 ذو القعدة 1443.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها